Azken postala izan dadila

2017-12-26

Atxarte Lopez de Muniain Zuñiga eta Ander Elortegi Garatea

Askatasuna kendu ostean

etsaiak lotu katera,

kilometroak tartean jarriz

familiaren kaltera.

Presoarentzat dispertsinoa

mendekuaren parte da.

Mahaiaren bueltan hutsik ipini

doguz aulki ta platera.

Hau hutsunea, hau akordua

jesarri eta batera,

falta direnak imajinatuz

noz agertuko atera.

Ez badatoz geu joan gaitezan

barriz hona ekartera,

urte barria hasteko behingoz

familiagaz batera.